Study Coaching System

"أنا مش عارف أذاكر إزاي" 

"أنا مش عارف أنا كدة ذاكرت كويس ولا لا"

"أنا مذاكر بس ناسي"

 "أنا مش عارف أنظم وقت المذاكرة وحاسس إني ماشي بطريقة عشوائية"

دول مشاكل بتقابل أي حد بيهدف لمذاكرة البورد، خاصة مع كثرة مشاغله اليومية والتزاماته...

علشان كدة في سي بي إيه صممنا نظام يخليك تعرف تركز، وتمشي بطريقة منهجية في المذاكرة، وكمان يعزز مهارة الحفظ والفهم والاستنباط عندك!

الطريقة دي سميناها: Study Coaching System

ومن خلالها إحنا بنرتب لك دماغك في المذاكرة بحيث بأقل مجهود تحقق أعلى فاعلية وإنتاجية في الوقت اللي بتقضية في المذاكرة!

كل ده بيتم من خلال 5 أدوات متميزة:

1- أداة الـ Blue Print Sheet:

ودي خريطة ذهنية للعناوين اللي في الموضوع مع أهم التجميعات فيه بتتحط قدام عينك وذاكرتك البصرية في ورقة أو بضع ورقات، بحيث بنظرة واحدة تبقى شايف حدود الموضوع فين بالكامل، وتقدر كمان تستخدمها زي Check List علشان تتتبع تقدمك في المذاكرة لكل موضوع.

2- أداة Recall Q Bank:

عملنا لكل موضوع مجموعة أسئلة تدعم مهارة الحفظ للمعلومات الأساسية والمفتاحية لكل موضوع، بحيث بعد ما تسمع شرح المحاضرة مباشرة، تقوم بحل الأسئلة دي، وبمجرد حلك ليها واستيعابك لمحتواها، تكون كدة خلصت أول خطوة في مذاكرتك بصورة فعالة، وطلعت منها بحصيلة مركزة للمعلومات المهمة وأكدت على حفظها.

3- أداة Analysis & Desision Making Q Bank:

دي مجموعة تانية من الأسئلة بتصعد بيك درجة في سلم إتقان الموضوع، لأنها بتقوي مهارة التحليل واتخاذ القرار عندك.

طبعا بنكين الأسئلة دول من إعداد محاضرينا، ومش منقولين من أي مصدر خارجي، وهي ملكية فكرية حصرية لسي.بي إيه.

4- أداة Exam Like Qs:
دي تجميعة لأسئلة من أشهر بنوك أسئلة البورد، مع أفكار امتحانات سابقة، وما يسمى بـExam Focus Points مصاغة في شكل أسئلة مع الإجابات مع شرح الإجابات.

الكلام ده اللي يبدو بديهي، للأسف عند جهات تانية بتقدم كورسات البورد مش معمول بالطريقة دي، بل مجرد فيديوهات مشفرة، بدون ورق، بيتقال فيها الأفكار والفوكاس بوينتس بصورة نثرية سردا، وكمان ممكن ما يفتحش ليك أهم جزء من الأسئلة دي غير ليلة الامتحان فقط! لكن معانا بتاخدها من أول يوم، كل موضوع على حدة، بصورة أسئلة مرتبة، وورق قابل للطباعة مع شرح فيديو.

5- أداة Mind Trainer Sheet:

أحيانا كتيرة ولطول فترة الكورس، تكون عايز تراجع موضوع ذاكرته بقالك فترة، فتحس بالحيرة، ابدأ مراجعته منين؟ هل أقعد اسمع تسجيلاته تاني كأني باسمعه لأول مرة؟ ولا أقرأ الورق بتاعه وخلاص؟ ولا أعمل إيه؟ وهل إعادة المذاكرة هتضيف لي حاجة ولا هتكون مجرد تأكيد على نقاط القوة وكروتة لنقاط الضعف؟

علشان كدة حلينا المشكلة دي بعمل فريد من نوعه، وهو مجموعة من الأسئلة ذات النهاية المفتوحة، بتغطي أهم الأفكار في الموضوع، مرتبة ومنتقاة بعناية بحيث كل ما تحب تراجع على موضوع تقرأ الأسئلة اللي عليه، وتجاوبها بنفسك، فتقدر في وقت وجيز، بشكل مرتب، وبصورة مركزة، تعرف نقاط قوتك، وتكشف نقاط ضعفك وتعالجها.

6- الأداة السادسة الإضافية والسرية! VIP Q Bank:

دي عبارة عن بنك أسئلة في الشهر الأخير قبل الامتحان، متجمع فيها أفكار آخر 3 سنين، بحيث تركز على أكتر حاجة احتمال تكرارها في الامتحان بيكون عالي جدا.

كل الأدوات دي هي خلاصة 14 سنة في كورسات البورد، ونجاح أكثر من 1400 صيدلي معنا في مختلف التخصصات، بنقدمهالك في برامجنا علشان تحقق هدفك في النجاح في البورد من خلال عملية ممتعة وفعالة.