أنا مقتنع بالبورد... ولكن...!

دي مجموعة من الأفكار اللي ممكن تدور في راسك وتخليك متردد في حسم قرار البدء في كورس البورد رغم اقتناعك به كمنهج علمي قوي، وكشهادة محترمة تستحق السعي للحصول عليها، بنعرض كل فكرة وبنرد عليها من وجهة نظرنا بصورة مركزة ومباشرة!

أنا مقتنع بالبورد ولكن: خايف أخسر البديل!

طيب إيه هو بديل البورد؟

هل هو الدبلوم؟

الدبلوم تصنيفه أقل من البورد، وأغلب مناهج الدبلومات محتواها العلمي أضعف بكتير من البورد، ولو عندك مشكلة في التجنيد أو التقدير أو القدرة على الحضور يبقى الدبلوم مش مناسب ليك.


هل هو الفارم د السنتين؟

بما أن الدفعات الجديدة اتلغى ليها مسمى البكالوريوس وهيبقوا كلهم فارم د، يبقى التميز المهني بالحصول على مؤهل مختلف عنه... زي البورد.


هل هو الماجستير؟

لو ناوي تشتغل صيدلي إكلينيكي فالماجستير أصلا مش طريقك، فضلا عن الصعوبة الشديدة لتسجيل الماجستير في مصر، ثم الصعوبة الشديدة في إتمامه، مع التكلفة العالية جدا في الوقت والجهد والمصاريف، فلو انت مش أكاديمي، يبقى المشوار ده مش هو البديل للبورد.


هل هي الزمالة؟

الزمالة خيار جيد لصيدلي حكومي شغال في مستشفى، وفات سنتين على التكليف، لأنها كدة كدة هتتحسب من وقت عمله، ومش هتكون مكلفة له، ومش هتبقى مشكلة بالنسبة له يقضي فيها 4 سنين، لكن ماذا عن صيدلي مش مكلف في مستشفى؟ أو صيدلي حر معندوش القدرة على التفرغ 4 سنين لاتمام الزمالة؟ ثم بعد كدة هتبقى بالنسبة له مجرد ماجستير مهني! وفي أقل من ثلث الوقت ده هتكون خلصت البورد وعادلته بماجستير مستريح بدون صعوبات الزمالة.

والبورد خاصة الفارماكوثيرابي بيسهل لك 9 مجالات للعمل، و7 فوائد للسفر خارج مصر.

أنا مقتنع بالبورد ولكن: مش فاضي! مش حاسس إني هلاقي وقت!

نظام كورس البورد الأونلاين مصمم أصلا لغير المتفرغين، لأنك هتكون كل اللي محتاجه 3 حاجات فقط:

1- مرة في الأسبوع تحضر البث المباشر أو تسمع التسجيل

2- ثم مرة تانية تذاكر وتراجع على المحاضرة وتحل تدريبات عليها

3- وبعد انتهاء الكورس وقبل الامتحان بشهرين ونص... هيكون فيه مراجعة تلم فيها المنهج تاني وتدرب على الأسئلة بصورة مكثفة شوية (اللي هي مرتين في الأسبوع!)...

ولو معندكش وقت لكدة... يبقى انت في مشكلة كبيرة...! لأن اللي معندوش وقت يطور معارفه ومهاراته خاصة في مجال الرعاية الصحية، معلوماته هتتقادم وهيبقى وجوده في منظومة الرعاية الصيدلية مخاطرة بالمريض، لأنك هتكون باني شغلك على معلومات قديمة ومنتهية!


للمزيد انظر: هل أنت فعلا الخبير الأول بالدواء؟

أنا مقتنع بالبورد ولكن: خايف ما أنجحش!

مع برنامجنا للإعداد لامتحان البورد انت هتاخد خلاصة 12 سنة خبرة من صيف 2009 إلى اليوم، وهتتمتع بشرح أفضل محاضري البورد، وهتتدرب على اقوى بنوك الأسئلة وأكثرها شمولا وتحديثا واللي 90% من الامتحان بيجي منها، وهتستفيد من المتابعة حتى ليلة الامتحان، يعني الامتحان بالنسبة لك هيكون نزهة لطيفة بإذن الله زي ما كان نزهة لطيفة لأكتر من 800 صيدلي أخدوا البورد والشهادات الدولية معانا.

اتعرف على: كورسات البورد المتاحة

أنا مقتنع بالبورد ولكن: ناسي الأساسيات! وما ذاكرتش من زمان!

دي جملة مكررة من صيادلة دفعات قديمة وكمان حديثة: أنا ناسي الأساسيات، وخايف ما أكونش قد منهج البورد!


الحقيقة في بوردات زي الفارماكوثيرابي والتغذية والأورام والسايكاتري، المنهج بيتشرح من الأساسايات إلى مستوى البورد

وعادي جدا تلاقي زملاء دفعات قديمة من 20 سنة وأكتر، وأخدوا معانا كورس البورد ونجحوا من أول مرة!

أما البوردات المتخصصة جدا، زي الكريتكال كير والانفيكشوس والكارديولوجي... فبننصح قبل الاشتراك فيها دراسة منهج الفارماكوثيرابي قبلها، لأنها بتبدأ من مستوى عالي.

أنا مقتنع بالبورد ولكن: الشهادة ابتدت تكتر وتفقد تميزها!

بلغة الأرقام: في مصر قرابة 250 ألف صيدلي مسجل في النقابة... منهم أقل من 1500 صيدلي واخد البورد، يعني النسبة أقل من 0.05 %... يعني مازال حامل البورد فئة نادرة ومتميزة جدا في الصيادلة.

أنا مقتنع بالبورد ولكن: سمعت إن تكلفته عالية!

هل فعلا تكلفة البورد عالية؟ طيب عالية مقارنة بإيه؟

تكلفة الكورس في المتوسط 4000 جنيه والامتحان 9900 جنيه يعني المجموع 13900جنيه

والبورد بيتعادل بماجستير (انظر هنا تحديثات نظام المعادلة)، ومن غير معادلة بيخلي تصنيفك رسميا في وزارة الصحة والقطاع الخاص أعلى من اللي معاه بكالوريوس فقط أو بكالوريوس كلنكال فقط أواللي معاه دبلوم دراسات عليا

كل المزايا دي بتكلفة تقترب من تكلفة الدبلوم في الجامعات الحكومية اللي وصلت في بعض التخصصات إلى 27000جنيه، وفي وقت وتكلفة أقل بكتير جدا من تكلفة الماجستير!

بخلاف وجود إجماع على إن محتواه العلمي – العملي أقوى من كل البرامج التانية.


اتعرف كمان على: أهم 10 سؤال وجواب عن البورد

أنا مقتنع بالبورد ولكن: السناتر كتير ومحتار بينها!

فعلا السناتر كتير، وكلها بيزعم نتائج مبهرة في امتحان البورد، لكن فيه مكان واحد فقط اللي هتلاقي فيه المميزات التالية:

1- المكان الوحيد اللي أسس كورسات البورد قبل أي جهة تانية من صيف 2009، يعني 12 سنة خبرة.

2- المكان الوحيد اللي سجل مصر لجنة امتحانات دائمة، وكان هو نفسه مقر لجنة امتحان للبورد قبل الانتقال لشركة البرومترك.

3- المكان الوحيد اللي حاز ثقة جامعات حكومية في مصر (جامعة القاهرة من خلال المركز القومي للبحوث) وخارج مصر (جامعة الكويت وجامعة عجمان وجامعة الملك سعود)، ونقابات صيادلة (القاهرة والجيزة والفيوم) لتقديم دورات التأهيل للبورد، أوشرح أجزاء منه.

4- المكان اللي نجح معاه -بأرقام حقيقية بدون مبالغة أو تزييف- أكتر من 800 صيدلي في مختلف تخصصات البورد والشهادات الدولية.

5- المكان اللي ابتكر نظام الأونلاين، ومحاكي الامتحان، وبنوك الأسئلة، والإكسترا-توبيكس، وعمل مراجعة مكثفة بعد الشرح، وأصبح نموذج بتقلده باقي الأماكن الأخرى.

6- وأهم معيار واللي بنتحدى بيه الجميع: قارن بنفسك مستوى الشرح لمحاضرينا بأي محاضر آخر، وهتلمس الفرق الحقيقي الواضح.

كل الصفات الحصرية دي هتلاقيها فقط عندنا في سي.بي.إيه


اشترك الآن في: البرنامج الأنسب ليك من برامج البورد

لو عندك أي استفسار يخص البورد ابعته لينا على واتس.آب 00201110006499 وهنرد عليك في أقرب وقت