عشرة أسباب تدفعك للتفكير
في مجال إدارة نظم المعلومات الصحية

خليني استعرض معاك 10 أسباب ليه ممكن تفكر في شهادة الـ CPHIMS لو حابب تستثمر في نفسك في مجال إدارة معلومات النظم الصحية والكلينيكال إنفورماتكس:

1- قوة الشهادة واعتمادها:

قوة الشهادة أولا بتيجي من مانحها! ممكن تاخد محتوى عظيم ومنهج آخر 3 حاجات لكن معتمد من المركز الثقافي الرواندي!  أو حاجة زي المركز الألماني لتغليف وطباعة الشهادات الفيك!! يعني في الآخر هتحصل على ولا حاجة! لا اعتماد! لا مصداقية! لا انتشار! لا شيء!

لكن في حالة شهادة الـCPHIMS  الموضوع مختلف تماما! هنا الجهة المانحة هي الـHIMSS  -وثانية واحدة بس ركز كدة واتعدل وأنا بكلمك عن الـ HIMSS!- إنت بتتكلم عن منظمة أعضاءها عدوا الـ110 ألف، مع 480 شريك ومؤسسات مختلفة بتشتغل مع بعض عشان تتطور مجال الـHealth Informatics على مستوى الكوكب  ده، غير إنه المسؤول عن قصة الـEMRAM  -واللي هنتكلم عليها كمان شوية- فلما الـHIMSS  تقولك خد الشهادة دي يبقى تاخدها وإنت مطمن.

2- الشهادة ومستقبل الرعاية الصحية في مصر والعالم:

نوهنا النقطة الى فاتت عن قصة الـEMRAM... إيه بقى الموضوع ده؟

 الـEMRAM اختصار لجملة  Electronic Medical Record Adoption Model  وهو النموذج اللى الـHIMSS  بتحاول تنشره وتعممه على المستشفيات من حيث تطبيق التكنولوجيا والاستفادة بيها في تقديم الرعاية الصحية، وفي سبيل محاولتها لهذا التعميم بتعمل مؤتمرات وزيارات وندوات وتقييمات في كل حتة لمراجعة تطبيق الموديل ده . حاجة كدة زي معايير الجودة الصحية العالمية JCI  أو معايير الجودة السعودية CBAHI،  وهي متقسمة سبع مستويات، وأعلى مستوى هو Stage 7  اللي معناه إنك وصلت لسجل إلكتروني متكامل جوة وبرة المستشفى، وبقيت Paperless وكل العمليات بقت مميكنة. النموذج ده بقى مشهورة ومنتشر جدا والمستشفيات بقت تتسابق للحصول على هذا الـAccreditation،  وده معناه الاحتياج أكتر لناس دارسه وفاهمه وعارفه الـHIMSS   ومواضيعها والنموذج اللى بتقدمه، وشهادة الـCPHIMS بتساعد على كدة.

3- سوق عمل واعد وينمو باستمرار:

ده بييجي أصلا مع ازدياد الطلب على المهن المتعلقة بالـ Healthcare Technology، والسوق قادر يستوعب أعداد أكتر، سواء في مصر أو في الخليج أو حتى على مستوى العالم، والشهادة دي تديلك ثقة لنفسك بحيث تدوس أكتر في المجال.

4. محتوى شامل يضعك على طريق الاحتراف:

بصفة عامة فيه  10 مواضيع رئيسية بندرسها في الـCPHIMS  منقسمة تحت 4 اقسام: 

Healthcare , Technology, Analysis , Design, Implementation , Testing , Security, Leadership , Management  

والعضو الجديد المنضم في الإصدار الأخير Clinical informatics، ودي مواضيع متنوعة وشيقة وتفتح النفس كدة في دراستها.

5. إضافة قوية مع مجال ال Clinical Informatics:

زي ما قلت حصل تغيير دراماتيكي في المنهج في الإصدار الأخير بإضافة clinical informatic، فده تغييير إيجابي من ناحيتين: الأولى إنهم ابتدوا يدخلوا عنصر الـ know what بعد ما كانوا مركزين أكتر على الـknow how  والإدارة، لفترة كبيرة كنت شايف إن المنهج محتاج تعديل عشان يستوعب موضوع مهم زي الـ clinical informatic يبقى داخل السياق. والثانية إن الإضافة أدت إلى توزيع الدرجات وتقليل درجات من أقسام صعبة وأسئلتها سخيفة وبتهدر درجات  فبقى الامتحان نوعا ما أسهل.

6. اجتيازك الامتحان = إنت متميز بل متفرد!

امتحان شهادة الـHIMSS  واضح في نقطة إن أسئلته لا تعتمد على مصدر واحد، وإن الهدف قياس خبرة ومهارات الممتحن، وده هيخلينا نفتح أكتر من مصدر للمذاكرة والاطلاع! ممكن تشوفها مش حاجة مميزة بس بالنسبالى دي حاجة رائعة هتطلع بكميات حلوة من الأفكار والمصطلحات هتثرى خبرتك ومعرفتك المهنية.

7. مدة الدراسة ليست طويلة!

الـScope  والـContent  بتاع كورس الإعداد لاجتياز امتحان الـCPHIMS  صغير نسبيا مقارنة بالشهادات المشابهة،  ومدة الدراسة في أسوأ الأحوال من شهرين لحد 4 شهور، وتقدر تلم الدنيا فيها في مقابل شهادات ودبلومات ممكن مددها تصل إلى عدة سنوات.

8. تكلفة الامتحان الدولي أقل من الدبلوم الحكومي!

تكلفة الامتحان قليلة مقارنة بالشهادات المشابهة، رسوم الامتحان 600 دولار أمريكي، وتقدر تاخد الامتحان بخصم كمان بشروط معينة.

9- شروط الامتحان يسيرة:

شروط الامتحان مش صعبة، ومش بتطلب منك ترفع صورة مؤهلات وورق رسمي.

10. خطوات حجز الامتحان سهلة:

بالإضافة للعنصر اللى فات فيه كمان سهولة في التقديم والحجز... يعني تقدر تحجز الامتحان في أي وقت يناسبك، فيه أوبشن كمان إنك تمتحن من البيت -بشروط معينة- بنظام المراقبة عن بعد، وتقدر تغير المعاد قبلها بأيام وبدون رسوم، ولو لا قدر الله ما توفقتش تقدر تخش الامتحان بخصم النص مرة تانية ... يا بلاش!

ودلوقتي تقدر  تدرس منهج الـCPHIMS وتتأهل لامتحانه  مع أقوى  كورس إعداد،
واللي محقق نسبة نجاح 100%  في  آخر  3 سنوات

للتفاصيل  والاشتراك  اضغط  هنا